Policia e Kosovës ka bërë të ditur se një motoçiklist që ishte aksidentuar më 1 gusht ka vdekur të premten në Qendrën Klinike Universitare të Kosovës.
Siç bëhet e ditur në raportin 24-orësh të Policisë, aksidenti kishte ndodhur në fshatin Ramun të Pejës, ku i përfshirë ishte edhe një automjet.
“Fsh. Ramun, Pejë 01.08.2026 – 16:25. Ka ndodhë një aksident trafiku ku të përfshirë kanë qenë një automjet me ngasës mashkull kosovar dhe një motoçiklisti mashkull kosovar. Si pasojë e aksidentit motoçiklistin ka pësuar lëndime të rënda trupore dhe është dërguar në QKUK për tretman mjekësor. Ndërsa me datë 07.08.2026 rreth orës 01:10 viktima ka ndërruar jetë. Me vendim të prokurorit trupi i pa jetë dërgohet për obduksion në IML-Prishtinë. Rasti nën hetime”, thuhet në raportin 24-orësh të Policisë.