Një person ka ndërruar jetë të martën më 15 gusht në Qendrën Klinike Universitare të Kosovës(QKUK), si pasojë e lëndimeve që kishte marrë në vendin e tij të punës më 10 qershor.

Ai ishte rrëzuar nga një lartësi në vendin e tij të punës, ku më pas ishte dërguar për tretman mjekësor.

“Prishtinë 10.06.2023 – 16:43. Raportohet se  me datë 15.08.2023 në QKUK ka ndërruar jetë viktima mashkull kosovar. Me vendim të prokurorit trupi i pajetë dërgohet në IML për obduksion”, thuhet në raportin e policisë.

Ndryshe, në qershor, personi përgjegjës i kompanisë në të cilën punonte viktima ishte intervistuar e më pas ishte dërguar në mbajtje.