Një 54-vjeçar ka vdekur sot në Prishtinë.
Lajmi është konfirmuar për Portalin Dukagjini nga zëdhënësja e Policisë së Kosovës për rajonin e Prishtinës, Flora Ahmeti.
Vdekjen e viktimës e ka konstatuar ekipi mjekësor në vendngjarje.
“Sot në stacionin policor jugu në Prishtinë, është iniciuar një rast hetim mbi vdekjen, ku viktimë është një person mashkull, 54 vjeç. Vdekjen e tij e ka konstatuar ekipi mjekësor në vendngjarje”, ka thënë Ahmeti.
Tutje, Ahmeti ka njoftuar se rasti është cilësuar si “Hetim mbi vdekjen”.
“Aktualisht, policia në koordinim me Prokurorinë po ndërmarrin të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes, si dhe sqarimin dhe ndriçimin e plotë të rastit, ndërkohë që trupi i pajetë i viktimës është dërguar për obduksion.” – ka vijuar ajo.