Një person ka humbur jetën si pasojë e lëndimeve të marra nga goditja e një kamioni.
Rasti ka ndodhur në Fushë-Kosovë, të enjten e një shkurtit.
Këtë e ka konfirmuar zëdhënësja e Policisë për rajonin e Prishtinës, Flora Ahmeti, e cila ka thënë se në aksident kanë qenë të përfshirë një këmbësore dhe një automjet në lëvizje.
“Sot rreth orës 10:00 kemi pranuar informatën se në rrugën ‘Hajrullah Zymi’ në Fushë-Kosovë, ka ndodhur një aksident trafiku me pasoja fatale. Në këtë aksident kanë qenë të përfshirë një këmbësore dhe një automjet në lëvizje (kamion). Si pasojë e aksidentit, lëndime të rënda trupore ka pësuar këmbësorja e cila nuk ka arritur t’i përballojë plagët dhe e njëjta ka ndërruar jetë”, ka thënë Ahmeti.
Vdekjen e viktimës e ka konstatuar ekipi mjekësor në vendngjarje.
Sipas saj, aktualisht policia ka nisur një hetim për zbardhjen e rrethanave që kanë çuar deri te ky aksident trafiku, ndërkohë që ngasësi automjetit është shoqëruar në stacion policor.