Policia e Kosovës ka njoftuar se ka vdekur një grua pasi ka rënë në bunar në Ferizaj.
Në raportin 24-orësh të PK-së thuhet se vdekjen e gruas e ka konstatuar mjeku kujdestar.
Me urdhër të prokurorit, trupi i pajetë është dërguar në Institutin e Mjekësisë Ligjore për obduksion.
Policia ka bërë të ditur se rasti është iniciuar si “Hetim mbi vdekjen”, ndërsa hetimet për zbardhjen e plotë të rrethanave të ngjarjes janë në vazhdim.
“. Viktima femër kosovare ka rënë në një pus (bunar). Viktima nga lëndimet e marra ka ndërruar jete. Vdekjen e viktimës e ka konstatuar mjeku kujdestar. Me vendim të prokurorit, trupi i pa jetë është dërguar në IML për obduksion”, thuhet në raportin e Policisë së Kosovës.