Një person i gjinisë mashkullore është gjetur i alivanosur në një fushë në komunën e Podujevës.
Sipas Policisë së Kosovës, në vendin e ngjarjes ka dalë ekipi mjekësor, derisa vdekja e tij është konstatuar nga mjeku kujdestar i emergjencës.
Trupi i pajetë është dërguar në obduksion, teksa policia ka bërë të ditur se është duke e hetuar vdekjen.
“Një mashkull kosovar është gjetur i shtrirë në fushë, i alivanosur. Në vendin e ngjarjes ka dalë ekipi mjekësor, kanë marrë viktimën për ta dërguar në trajtim mjekësor. Mjeku kujdestar nga emergjenca ka konstatuar se viktima ka ndërruar jetë. Me vendim të prokurorit, trupi i pajetë është dërguar në obduksion”, thuhet në raportin e policisë.