Një person ka humbur jetën si pasojë e një rrëzimi aksidental të martën e 28 shkurtit, në Ranillukë.

Në raportin e Policisë së Kosovës, ky rast është cilësuar si “vdekje e dyshuar”.

Sipas njoftimit të policisë, thuhet se viktima ishte rrëzuar aksidentalisht. I njëjti është dërguar në shtëpinë e shëndetit ku mjeku kujdestar ka konstatuar se viktima nuk ka shenja jete.

Trupi i pajetë i viktimës është dërguar për obduksion në Institutin e Mjekësisë Ligjore.

 “Viktima mashkull kosovar dyshohet se është rrëzuar aksidentalisht. Viktima ka pësuar lëndime trupore dhe është dërguar në shtëpinë e shëndetit ku mjeku kujdestar ka konstatuar se viktima nuk ka shenja jete. Trupi i pajetë i viktimës është dërguar në IML për obduksion”, thuhet në raport.

Ndryshe, policia brenda 24 orëve të fundit ka arrestuar 37 persona dhe 24 të tjerë janë dërguar në mbajtje.