Një person i moshës 49-vjecare ka vdekur si pasojë e një aksidenti rrugor në magjistralen Prishtinë – Gjilan.
Zëdhënësi i Policisë për rajonin e Prishtinës, Agron Borovci, i tha Portalit Dukagjini se në aksident është përfshirë një veturë dhe një kamion.
Sipas tij, policia ka dalë në vend të ngjarjes për ta lehtësuar qarkullimin rrugor, si dhe ka nisur punën hetimore lidhur me rastin.
“Rreth orës 09:00, është pranuar informata për një aksident trafiku rrugor të ndodhur në rrugën magjistrale Prishtinë-Gjilan, respektivisht në fshatin Kishnicë. Nga informatat e para bëhet e ditur se në aksident janë përfshirë një veturë dhe një kamion dhe si pasojë një person, mashkull, 49 vjeç, ka humbur jetën. Policia ka dalë në vendin e ngjarjes dhe po ndërmerr masat e nevojshme për lehtësimin e qarkullimit rrugor, si dhe ka nisur punën për hetimin e shkaqeve që kanë sjellë deri te aksidenti”, thuhet në njoftim.