Një punëtor 48-vjeçar ka ndërruar jetë pasi u lëndua gjatë punës në një kompani në zonën industriale të Shtimes.
Zëdhënësi i Policisë së Kosovës për rajonin e Ferizajt, Kanun Veseli, ka konfirmuar se rasti ka ndodhur sot, rreth orës 20:45, kur fillimisht është raportuar se një person ishte lënduar në vendin e punës.
I njëjti është dërguar menjëherë në Emergjencën e Ferizajt, ku ekipi mjekësor ka konstatuar vdekjen e tij.
Në vendin e ngjarjes kanë dalë njësitet relevante policore, përfshirë patrullat dhe hetuesit e stacionit, si dhe hetuesit rajonalë dhe krimteknikët.
Po ashtu janë njoftuar edhe Prokurori i Shtetit dhe Inspektorati i Punës, të cilët kanë dalë në terren për të ndërmarrë veprimet e nevojshme hetimore.
Rasti është iniciuar “Asgjësimi, dëmtimi ose heqja e paisjeve mbrojtëse dhe rrezikimi i sigurisë në vendin e punës” dhe hetimet janë duke vazhduar.