Një shtetas i Maqedonisë së Veriut ka humbur jetën pas një keqësimi shëndetësor në magjistralen Ferizaj-Prishtinë, të enjten.
Siç thuhet në raportin 24-orësh të Policisë, rasti ka ndodhur rreth orës 16:30, ndërsa vdekjen e viktimës e kishte konstatuar mjeku kujdestar.
“Magjistralja Ferizaj-Prishtinë 15.02.2024-16:30. Është raportuar se viktimës mashkull shtetas i Maqedonisë së Veriut, i është keqësuar gjendja shëndetësore ku edhe ka ndërruar jetë. Vdekjen e viktimës e ka konstatuar mjeku kujdestar. Njësitet relevante kanë dalë në vendin e ngjarjes”, thuhet në njoftimin e Policisë.
Policia ka bërë të ditur se me vendim të prokurorit trupi i pajetë i viktimës është dërguar në Institutin e Mjekësisë Ligjore (IML) për obduksion.