Shemsi Krasniqi, i njohur për publikun shqiptar si Shemi ka ndërruar jetë.
Dyshohet se shkak për vdekjen e tij ishte një sulm në zemër. Teksa raportohet se ai është gjendur pa shenja jete në shtëpinë e tij në “Dragodan”.
Burime të Dukagjinit na bënë me dije që gjatë këtyre javëve të fundit, Shemi ishte duke u ballafaquar me disa probleme shëndetësore.
Kujtojmë që Shemi, ishte i njohur për shumë nga hitet e tij, mes tjerash edhe “Xhamadani Vija Vija”, që mbetet një nga këngët më epike të këngarit tashmë të ndjerë.
Ndër të tjera, edhe këngët si “Unë jam Shqipe nga Kosova”, “Gajdexhiu”, “Minire moj motër” e shumë të tjera në bashkëpunim me Ganimete Abazi – Ganja ishin disa prej hiteve kryesore në karrierën e Shemit.