Vrasja që ndodhi mbrëmë në qytetin e Ferizajt, si duket është kryer nga vëllai i reperit ferizajas i njohur si “Buta”.
Q.J, dyshohet se e ka vrarë shokun e tij për motive ende të paqarta.
Portali D, ka mësuar se viktima G.H dhe dorasi kanë qenë shokë.
Sipas Policisë së Kosovës, “I dyshuari me pistoletë në dorë, dyshohet që në një moment i kthehet zyrtarëve policorë, dhe njëri zyrtar policor për ta shmangur rrezikun e drejtpërdrejt ndaj tij, kolegut të tij dhe të tjerëve përreth, e ka përdorur armën e zjarrit zyrtare , me një shkrepje në drejtim të të dyshuarit”.
Po ashtu, i dyshuari, menjëherë është dërguar për ndihmë mjekësore në Qendrën Emergjente në Ferizaj, e më pas për tretman të mëtutjeshëm mjekësor është dërguar në Qendrën Klinike Universitare të Kosovës(QKUK).