Vëllaznimi i Gjakovës po kalon periudhën më të rëndë në histori, sidomos me rezultate, ku janë në fund të tabelës me vetëm 2 pikë në Ligën e Parë të Kosovës në futboll, Grupi A.
Skuadra gjakovare ka njoftuar se gjatë ditës së shtunë ka zgjedhur kryesinë e re, duke pretenduar që në pranverë të kenë me rezultate më të mira.
“Në mbledhjen e rregullt të mbajtur sot është zgjedhur kryesia e KF Vëllaznimit, me këtë përbërje: kryetar: Dr. Gazmend Boshnjaku, nënkryetar: Erzen Kumnova; drejtor ekzekutiv: Ilirjan Zhubi, menaxher i përgjithshëm: Bujar Guci dhe drejtor sportiv: Edi Luzha. Në ditët në vijim do të ju njoftojmë për shtabin teknik dhe futbollistët të cilët do të jenë pjesë e klubit”, njofton KF Vëllaznimi.
KF Vëllaznimi ndeshjen e radhës e zhvillon si mysafir i Lirisë së Prizrenit.