Objekti gjendet pothuajse në qendër të qytetit të Gjilanit, në katin e parë janë zyrat e një kompanie për distribum të energjisë, e katet e sipërme janë të banushme.
Por, në vitin 1999 ky objekt kishte krejt tjetër funksion.
Në bodrumin e tij, po mbaheshin dhunshëm gjashtë të burgosur shqiptar, që ishin marrë pengë nga ushtarët serb.
Një gjë të tillë e pohon Selajdin Abdullahu, që thotë se kjo errësirë sa herë kalon na ky objekt i kujton tmerret e luftës e edhe shokun e tij që kishte qenë brenda këtyre grilave.
“Sa herë që vijë ta paguaj energjinë elektrike këtu, më dalin ato skena para syve. Ata njerëz të cilët i kam takuar që kanë vuajtur këtu që kanë qenë në gjendje të mjerueshme, të sakatosur, të lënduar e të torturuar në mënyrën më mizore të mundëshme. Nganjëherë nuk ta merr mendja që njeriu nuk bënë një mizori të tillë një njeriu tjetër” ka thënë ndër të tjera Selajdin Abdullahu – Shoqata e të burgosurve.
Shoku i Selajdinit është Maksut Veseli.
Tani 84 vjecari është në gjendje të keqe shëndetëosre, por tmerret e përjetuar në këtë burg të improvizuar i ka të freskëta.
Madje, frika ekziston akoma në brendësinë e tij sa herë që i kujtohet kjo kohë.
“Katër ditë na kanë mbajtur në beton, nuk na kanë dhënë as me hangër as me pi. Prej këtij burgu më kanë qu në burgun tjetër”, ka thënë, Maksut Veseli – Ish i burgosur.
Veseli, thotë se pos mabjtjes së dhunshme këtu, serbët i kishin shkaktuar edhe dëme të tjera.
“Qatu mu mi kanë marr do pare, 14 mijë dinarë të Serbisë, 1000 mijë mark edhe 100 franga”, Maksut Veseli – Ish i burgosur
Perpos këtij objekti, serbët kishin zaptuar edhe objekt tjetër për të burgosur shqiptar tjerë.
Është kjo shtëpia e Asllan Bunjakut që sipas tij aty ishin burgosur rreth 300 shqiptar nga prilli i 99 tës.
“Unë me të parin prill të vitit 1999 e kam lëshuar shtëpinë shkaku i bombardimeve. Pastaj serbët e kanë marr dhe e kanë përdorur si burg”, Asllan Bunjaku – Pronar i shtëpisë.
Për këto raste pavarësisht që ka dëshmitar nuk është ngrituar asnjë aktakuzë e askush nuk është dënuar.