Kryeministri i Kosovës, Albin Kurti, përmes një postimi në Twitter ka kujtuar vendimin e Gjykatës Ndërkombëtarë të Drejtësitë më 22 korrik të vitit 2010, ku u vendos që shpallja e Pavarësisë së Kosovës ishte në përputhje me të drejtën ndërkombëtare.
Kështu, sipas Kurit, GjND-ja me këtë vendim i dha vulë përfundimtare asaj që mbështetësit e të drejtave të njeriut dhe drejtësisë e dinin gjatë gjithë kohës.
“Në këtë ditë të vitit 2010, Gjykata Ndërkombëtare e Drejtësisë – Gjykata më e lartë e OKB-së – vendosi që shpallja e pavarësisë së Kosovës ishte në përputhje me të drejtën ndërkombëtare, duke i dhënë një vulë përfundimtare asaj që ata që mbështesin të drejtat e njeriut dhe drejtësinë e dinin gjatë gjithë kohës”, ka shkruar Kurti në Twitter.