Fjalë pak ishte Miroslav Lajčák, kur doli nga takimi me Kryeministrin e Kosovës, Albin Kurtin.
Ani pse po shoqërohej nga Jens Plotner dhe Emmanuel Bonne, i dërguari i BE-së për dialogun Kosovë – Serbi, hezitoj të tregoj detaje nga takimi që zgjati më shumë se dy orë.
Të përmbajtur në detaje u treguan edhe Qeveria e Kosovës.
Por, diskutimet brenda duket të kenë qenë shumë të vështira.
Një gjë të tillë e beson profesori Dritëro Arifi, që mendon se Kryeminsitrit, Albin Kurti në këtë takim i është thënë sy më sy, se cili do të jetë vendimi i vështirë që duhet të marrë Kosova.
Dritëro Arifi, profesor ka thënë se “Ndoshta i është thënë e ndoshta jo mirëpo ne e dijmë se cili është vendimi i vështirë, është ai i formimit të Asociacionit të Komunave me shumicë serbe, por duhet pasur kujdes, sepse formimi i këtij asociacioni mund të vijë vetëm pasiqë Serbia duhet ta njoh Kosovën. Dhe nuk duhet të pranojmë dicka, pa e ditur se cka marrim në këmbim të saj”.
Përfshirja e këtyre dy diplomatëve në dialogun Kosovë-Serbi, për profesorin Seb Bytyçi është një fakt se ky proces ka hyrë në fazën finale.
Seb Bytyçi, profesor ka thënë se “Ardhja e tyre në Kosovë, mund të themi se ka futur procesin e dialogut në një fazë tjetër, një dinamkë të re, dhe absolutisht kjo është faza finale drejt arritjes së marrëveshjes. Është një gjë e mirë që dy shtetet më të fuqishme Evorpian, poashtu është interes i madh për Kosovën zgjedhja e këtij problem e jo të ketë dialog të përhershëm, mirëpo një gjë është e qartë, presioni i madh është mbi Serbinë”
E temë e nxehtë në këtë proces, ende vazhdon të mbetet themelimi i Asociacionit.
Dorajet Imeri, profesor ka thënë se “E vështira e kësaj situate në të cilën do të hyjmë është se kemi të bëjmë ose me rihapjen e temës e Asociacionit të Komunave me shumicë serbe, i cili është hedhur poshtë nga Gjykata Kushtetuese, por prapë kjo besoj ka qenë kryetema e këtij takimi”.
Ky takim vie si rrjedhojë e propozimit në letrën e përbashkët të kancelarit Scholz dhe presidentit Macron, që këshilltarët të bëjnë një vizitë të përbashkët me Miroslav Lajčak, në Kosovë dhe Serbi, që procesi i dialogut të lëvizë përpara më shpejt.