Vendimi i KQZ-së për caktimin e votimit për largimin e kryetarëve të katër komunave në veri të Kosovës “do t’i hapë rrugë depërshkallëzimit të mëtejshëm”.
Kështu e sheh situatën raportuesja e Parlamentit Evropian për Kosovën, Viola von Cramon, e cila e ka mirëpritur këtë vendim.
“Unë e mirëpres vendimin e KQZ-së për caktimin e votimit për largimin e kryetarëve të komunave, gjë që do t’i hapë rrugën depërshkallëzimit të mëtejshëm. Të gjithë pjesëmarrësit në proces duhet të kenë trajtim të barabartë dhe të respektojnë procedurat demokratike për të pasur zgjedhje të lira dhe të ndershme në veri”, ka shkruar Von Cramon në X.
I welcome @KQZKosova decision to schedule the recall vote for the removal of mayors which will pave the way for further de-escalation.
All participants in the process must have equal treatment and respect democratic procedures in order to have free & fair elections in the north. https://t.co/1VkqYnQtKK
— Viola von Cramon 🇺🇦🇪🇺🇮🇱 (@ViolavonCramon) March 8, 2024
Ky vendim është mirëpritur edhe nga shefi i OSBE-së në Kosovë, Michael Davenport, i cili theksoi se është e rëndësishme që procesi të zhvillohet në mënyrë të drejtë.
“Verifikimi i Komisionit Zgjedhor të Kosovës për nënshkrimet në mbështetje të votave për tërheqjen e kryetarëve në të 4 komunat veriore është një hap i mirëpritur, ashtu si edhe vendimi për caktimin e votimeve. Tani është e rëndësishme që procesi të zhvillohet në mënyrë të drejtë, gjithëpërfshirëse dhe transparente”, ka shkruar Davenport në X.
Verification by @KQZKosova of signatures in support of votes on recall of mayors in all 4 northern municipalities is a welcome step, as is the decision to schedule the votes. Important now for the process to be conducted fairly, inclusively and transparently.
— Michael Davenport (@DavenportOSCE) March 8, 2024
Gjatë ditës së premte me tetë vota për dhe dy abstenime, anëtarët e Komisionit Qendror të Zgjedhjeve (KQZ) votuan rekomandimin që më 21 prill të votohet për apo kundër largimit të katër kryetarëve shqiptarë në komunat në veri të Kosovës.
Rekomandimi erdhi nga sekretariati i KQZ-së, pasi ishin verifikuar nënshkrimet e dorëzuara të peticionit nga kuvendet komunale të Leposaviqit, Zveçanit, Zubin Potokut dhe Mitrovicës së Veriut.
Peticionet për shkarkimin e kryetarëve të veriut kanë kaluar duke marrë numrin e nënshkrimeve të nevojshme.