SHBA-të kanë shënuar fitore ndaj Iranit me rezultat 1-0 në kuadër të ndeshjes së tretë të fazës së grupeve.
Ishte Christian Pulisicin ai i cili shënoi golin në minutën e 38-të, gol ky që vulosi fitoren e SHBA-së. Një tjetër gol erdhi nga Timothy Weah mirëpo i njëjti, ishte në pozitë jashtë loje.
Ndërkohë në pjesën e dytë të ndeshjes, Irani ka kërkuar barazimin që i duhej për avancim, por nuk gjeti rrugën drejt portës. Ndonëse kërkoipenallti, e njëjta nuk u pranua nga arbitri.
SHBA-ja përfundoi e dyta në grupin B me pesë pikë. Irani mbeti i treti me tri pikë dhe eliminohet.
Grupin e ka fituar Anglia me shtatë pikë, ndërsa Uellsi mbeti i fundit me vetëm një pikë. Krahas Iranit, eleminohet edhe Uellsi.