Vendosen banka shkollore afër ndërtesës së Qeverisë në shenjë të grevës në arsim

Greva në arsim vazhdon të jetë prezente që nga 25 gushti. Në mënyrë simbolike, KOMF ka realizuar një aksion me banka, karrige dhe çanta shkollore për fëmijët, të cilët vazhdojnë të humbasin orë mësimi. Krahas tyre, janë vendosur mbishkrime të orëve të humbura dhe tërsisë së planprogramit kurrikular

Vendosen banka shkollore afër ndërtesës së Qeverisë në shenjë të grevës në arsim (Autor i fotos: EO)

“Fëmijët në shkolla” është instalacioni simbolik i paraqitur në sheshin “Skënderbeu” nga Koalicioni i OJQ–ve për Mbrojtjen e Fëmijëve në Kosovë, KOMF, instalacion ky që simbolizon të drejtat e fëmijëve në mësim.

Të shtunën e 24 shtatorit, përmes aksionit të KOMF, janë prezantuar të dhëna, njëherësh edhe fakte rreth dëmeve që ndërprerja e mësimit ka shkaktuar te fëmijët. Më shumë se 300 mijë nxënës nga të gjitha komunat e Kosovës kanë mbetur në shtëpi për shkak të vendimit për mosmbajtjen e mësimit nga mësimdhënësit deri në plotësimin e kushteve që ata kërkojnë nga Qeveria e Kosovës.

“Deri tani, rreth 12 për qind e planprogramit kurrikular është humbur”, “deri tani, 17 ditë dhe 4.208 orë mësimi të humbura”, janë disa nga mbishkrimet e ngjitura në karriget e vendosura krahas bankave dhe çantave në shesh.

Njëra ndër kushtet e kërkuara është 100 euro shtesë në paga deri në miratimin e Ligjit për Paga. Ndërkaq, greva vazhdon të jetë prezente që nga 25 gushti.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika