Mediat më prestigjioze botërore i kanë dhënë jehonë vendimit të Gjykatës Speciale për dënimin e katër ish-udhëheqësve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi, për krime lufte, të mërkurën në Hagë.
Mediat si Reuters, Associated Press, Al Jazeera, The Guardian, Anadolu, Sky News, Euronews e shume media botërore i kanë kushtuar një vend në ballinë këtij vendimi, njofton Dukagjini.
Kujtojmë se Specialja ka dënuar me nga 25 vjet burgim Hashim Thaçin e Jakup Krasniqin, me 18 vjet burgim Kadri Veselin ndërsa me 13 vjet burgim, Rexhep Selimin.
Katërshja e UÇK-së u dënuan për krime lufte, përfshirë ndalim të paligjshëm ose arbitrar, trajtim mizor, torturë dhe vrasje të paligjshme.
Por, të njëjtit u shpallën të pafajshëm për krime kundër njerëzimit pasi nuk u vërtetua dyshimi se kanë kryer sulme ndaj popullatës civile. Gjithashtu të akuzuarit u shpallën të pafajshëm në lidhje me një numër incidentesh krime lufte.
