Veriu i “çliruar” nga barrikadat
Kjo veturë po kalon zakonshëm në këtë urë tek Kërshi i Dudës në veri të Mitrovicës. Por as kjo e asnjë veturë tjetër, këtë rrugë nuk kanë mundur ta përshkojnë deri një natë më parë. Këto shenja e kjo rrëshqitje dheu janë tregues se të martën që lamë pas, me forcë janë larguar barrikdat e […]
Kjo veturë po kalon zakonshëm në këtë urë tek Kërshi i Dudës në veri të Mitrovicës.
Por as kjo e asnjë veturë tjetër, këtë rrugë nuk kanë mundur ta përshkojnë deri një natë më parë.
Këto shenja e kjo rrëshqitje dheu janë tregues se të martën që lamë pas, me forcë janë larguar barrikdat e fundit të djegura në këtë lokacion.
Këtë operacion në mënyrë paqësore e kryen forcat e KFOR-it.
Pak më tutje në Lagjen e Boshnjakëve, situata më e qetë e barrikadat e larguara nuk kanë bërë që edhe patrullat e policisë të largohen.
Ato po vazhdojnë të qendrojnë rrugëve të veriut ani pse vërehet se prezenca e forcave ndërkpmbëtare ka rënë ndjeshëm.
Ironia që fort i frustron shqiptarët e veriut, është kjo pamje në këtë lagje të banuar me shumicë shqiptare.
Këta në radhë, të gjithë janë serbë të Kosovës, që ndihmën sociale e marrin nga Serbia, teksa qytetarët shqiptarë prapa kamerës, thona se për të qenë përfitues i një ndihme të tillë në shtetin e Kosovës, vendosen kushte të tilla që ua bëjnë të pamundur socialin.
Por, tash kur situata paraqitet më e relaksuar komuna në Mitrovicën e Veriut ka filluar të funksionojë zakonshëm.
Skender Sadiku kryesues i Kuvendit Komunal thotë se shërbimet po ofrohen për qytetarët e të gjitha nacionaliteteve me të gjithë kapacitetet.
Por, në terren ka akoma ngjarje problematike.
Për një tillë ka njoftuar vetë mëngjesin e sotëm një qytetar serb, që thotë se i është sulmuar vetura gjatë natës, për cka fajtor e le Milan Radojçiqin, që është edhe nënkryetar i Listës Serbe.
I njejti është në arrati dhe në kërkim nga institucionet e Kosovës.
Ndërkohë, për në pikën kufitare në Jarinje tash e disa ditë në rrugë qarkullohet normalisht, ku në disa pika statike vazhdojnë të qëndrojnë forca të sigurisë.
Fillimisht njistet e policisë së Kosovës e pak kilometra më poshtë Kfori Amerikan.
Misioni paqëruajtës i NATO-së në Kosovë, në këtë zonë vëzhgime po bënë edhe nga ajri përmes helikopterëve.
Tutje shumë pak metra pranë pikës kufitare, ku tashmë është i vendosor edhe stacioni policor, në gatishmëri 24 orëshe janë njësitet Speciale të Kosovës.
E në këtë pikë kufitare gjatë së mërkurës pati qarkullim më të madh.
Nga ana tjetër Eulex në një përgjigje për Televizionin thonë se mirëpresin depërshakllëzimin e tensioneve në veri, megjithatë vazhdojnë të jenë të vedijshëm për situatën e brishtë.
“Situata e sigurisë në veri të Kosovës mbetet e brishtë, pasi vakumi i sigurisë dhe sundimit të ligjit të krijuar pas dorëheqjes së policëve, prokurorëve, gjyqtarëve dhe stafit mbështetës serb të Kosovës po vazhdon. Përveç patrullave të zbulimit, këshilltarët e lartë policor të EULEX-it në veri janë të bashkëvendosur me Drejtorinë e Rajonit Veri të Policisë së Kosovës dhe ofrojnë këshilla dhe mbështetje për Policinë e Kosovës”, thuhet në përgjigjen e tyre.
Barrikadat e vendosura në komunat veriore nga grupet kriminale serbe kishin qëndruar per 20 ditë duke bllokuar kështu disa rrugë dhe pikat kufitare në Jarinjë dhe Bërnjak.















