Mëngjesi i së dielës nuk ishte i zakonshëm për banorët e Fshatit Vaganicë të Mitrovicës.
E gjithë kjo tokë pjellorë u vërshua nga reshjet e shumta të shiut.
Mos rregullimi i lumit, është shkas që ky fshat çdo herë që ka reshje shiju, të ballafaqohet me përmbytje.
Ndërkohë, kjo është hera e tretë që Islam Rexhepit, uji i ka depërtuar brenda shtëpisë.
“Komuna një herë është ardh e ka bërë hapjen e lumit por nuk është bërë zgjidhje. Gjithmon po kemi telashe më këto edhe kanalizimi është hy brenda. Familjarët i kom largu. Komplet katin e parë e ka marr uji. Është problem se s’mundemi çdo vit me investu ka pesë mijë euro në shtëpi”, ka thënë Rexhepi.
Se gjendja është bërë e padurushme, e thotë edhe një banor tjetër.
“Zakonisht kjo ndodh në pranverë gjithë. Po kanë ardh ekipet emergjente me mëngjes. Problemin na e kemi gjithë, i punojmë bashqet por shiju po na i demton”, ka theksuar Hasani.
Për të monitoruar gjendjen, në këtë fshat po qëndron Policia e Kosovës, derisa nga afër gjendjen e ka përcjellur edhe i pari i Mitrovicë, Bedri Hamza.