Kryetari i Podujevës, Shpejtim Bulliqi ka reaguar lidhur me vërshimet e fundit në komunën e Podujevës.
Përmes një postimi Bulliqi ka thënë se ka vizituar disa nga familjet të cilat kanë pësuar më tepër nga vërshimet ditëve të fundit në këtë komunë.
“Nga afër kam parë edhe intervenimet që po bëhen nga kompanitë e kontraktuara për zgjerimin e shtratit të lumenjëve dhe sanimin e rrugëve. Nga vërshimet dëme janë shkaktuar në shtëpi banimi, biznese private, toka bujqësore, ferma të bagëtive, infrastrukturë rrugore e të tjerë”, ka shkruar Bulliqi.
Tutje kryetari i Podujevës ka shtuar se kanë ngritur Komisionin për Vlerësimin e dëmeve të shkaktuara nga fatkeqësitë natyrore, “ku tashmë komisioni ka filluar punën për vlerësimin e të gjitha dëmeve të shkaktuara”.
“Pas pranimit të raportit, bazuar në mundësitë tona komunale si dhe duke kërkuar edhe ndihmën e institucioneve qendrore do të ndihmojmë qytetarët tanë”, ka theksuar tutje Bulliqi