Vetaksident në Istog, një person lëndohet pasi vetura përplaset me shtyllën elektrike
Një vetaksident ka ndodhur sot në fshatin Gurrakoc të Istogut, ku një person ka pësuar lëndime trupore pasi me veturën e tij ka goditur një shtyllë elektrike. Rastin për portalin Dukagjini e ka konfirmuar zëdhënësi i Policisë së Kosovës për rajonin e Pejës, Fadil Gashi. “Rreth orës 11:20, policia ka pranuar informatën se në fshatin […]
Një vetaksident ka ndodhur sot në fshatin Gurrakoc të Istogut, ku një person ka pësuar lëndime trupore pasi me veturën e tij ka goditur një shtyllë elektrike.
Rastin për portalin Dukagjini e ka konfirmuar zëdhënësi i Policisë së Kosovës për rajonin e Pejës, Fadil Gashi.
“Rreth orës 11:20, policia ka pranuar informatën se në fshatin Gurrakoc ka ndodhur një vetaksident. Një veturë e ka goditur shtyllën elektrike, me ç’rast një person ka pësuar lëndime trupore. Është dërguar për trajtim në Emergjencë”, ka deklaruar Gashi.
Ai ka bërë të ditur se në vendin e ngjarjes kanë dalë njësitë policore së bashku me hetuesit e aksidenteve, të cilët po merren me zbardhjen e rrethanave të rastit.















