Këtë të premte ka ndodhur një vetaksident në rrugën “Skenderbeu” në Skenderaj, rreth orës 20:00.
Lajmin për Portalin Dukagjini e ka konfirmuar zëdhënësi i Policisë për rajonin e Mitrovicës, Avni Zahiti.
“Sonte, rreth orës 20:00, në rrugën ”Skënderbeu” në Skenderaj, ka ndodhur një vetaksident trafiku, ku është përfshirë një veturë”, ka thënë Zahiti.
Zahiti njofton se katër persona që ndodheshin në veturë dy prej tyre kanë kërkuar tretman mjekësor.
“Si pasojë e aksidentit katër persona që ndodheshin në veturë kanë pësuar lëndime trupore dhe dy prej tyre kanë kërkuar tretman mjekësor”, ka shtuar Zahiti.
Zëdhënësi i Policisë për rajonin e Mitrovicës ka shtuar se Policia ka nisur hetimet për zbardhjen e shkaqeve të këtij vetaksidenti.