Lëvizja Vetëvendosje ka propozuar kryetarin e saj, Albin Kurtin, për mandatar për formimin e Qeverisë së Republikës së Kosovës.
Propozimi i është dorëzuar u.d. Presidentes së Kosovës, Albulena Haxhiu, nga Arbërie Nagavci, kryesuese e Këshillit të Përgjithshëm të Lëvizjes Vetëvendosje.
Në letrën zyrtare, të datës 13 shtator 2026, LVV thotë se propozimi bëhet në përputhje me Kushtetutën e Kosovës dhe pas rezultatit të zgjedhjeve parlamentare të 7 qershorit 2026.
“Lëvizja VETËVENDOSJE!, si subjekt politik që ka fituar zgjedhjet parlamentare të mbajtura më 7 qershor 2026, propozon mandatarin për formimin e Qeverisë së Republikës së Kosovës”, thuhet në dokument.
Në fund të letrës, Arbërie Nagavci ka propozuar zyrtarisht Albin Kurtin mandatar për formimin e Qeverisë së Republikës së Kosovës.