Një person rreth moshës 20 vjeç ka humbur jetën si pasojë e një vetaksidenti, i cili ka ndodhur gjatë ditës së diel në Prizren.

Lajmin për Dukagjinin e ka konfirmuar zëdhënësi i policisë për rajonin e Prizrenit, Shaqir Bytyqi.

Bytyqi ka bërë të ditur se si pasojë e aksidentit, shoferi i veturës është lënduar, ndërsa pasagjeri ka vdekur.

Sipas tij, deri te vetaksidenti ka ardhur pasi shoferi nuk ka përshtatur shpejtësinë me kushtet e rrugës dhe ka rënë nga ura.

“Në mëngjes në orën 04:55, ka ndodhur një aksident trafiku, është vetaksident, aksidenti ka ardhur se shoferi nuk e ka përshtatur shpejtësinë me kushtet e rrugës, me një kthesë ka dalë jashtë rrugës dhe ka ra nga ura. Si pasojë e aksidentit, shoferi ka marrë lëndime të lehta dhe pasagjeri ka ndërruar jetë”, tha Bytyqi.

Ai shtoi se në vendin e ngjarjes kanë dalë njësiti i policisë dhe zjarrfikësit.