Një aksident rrugor ka ndodhur në rrugën nacionale Prishtinë – Pejë (fshati Vragoli).
Lajmin për Portalin Dukagjini, e konfirmoi zëdhënësi i Policisë së Kosovës, Bajram Krasniqi, i cili tha se vetura e përfshirë në aksident me një kamion ka rënë poshtë për disa metra, ku si pasojë kanë mbetur të lënduar tre persona.
“Në ora 13:35, policia është njoftuar për një aksident trafiku të ndodhur në rrugën nacionale Prishtinë-Pejë (fshati Vragoli).Në aksident janë përfshirë dy automjete (një veturë dhe një kamion). Si pasojë e aksidentit vetura ka dalë nga rruga duke rënë poshtë disa metra. Tre persona kanë pësuar lëndime trupore”, thuhet në përgjigjen e Krasniqit.
Krasniqi bëri të ditur se njësitet policore janë marrë me aksidentin.