Distria Krasniqi po tregohet e pandalshme sot në Mastersin e Xhudos që po mbahet në Budapest të Hungarisë.

Kampionia olimpike triumfoi me IPPON në gjysmëfinalen e kategorisë deri në 52 kilogramë ndaj hungarezes, Reka Pupp.

Xhudistja kosovare kësisoj e siguron të paktën medaljen e argjendtë nga ky kompeticion.

Ndryshe, Nora Gjakova ka dështuar të kalojë në çerekfinale të Mastersit të Xhudos që po mbahet në Hungari.

Xhudistja jonë u përballë me francezen Priscilla Gneto në kategorinë deri në 57 kilogramë.

Gjakova pritej ta fitonte këtë takim, mirëpo kundërshtarja e saj triumfoi me Golden Score.

Gjatë ditës së nesërme pritet të garojnë edhe Akil Gjakova dhe Laura Fazliu.