Në emisionin “Jimmy Kimmel Live”,  Dua Lipa solli një dozë të kulturës shqiptare, duke u përfshirë në një lojë artikulimi dhe shpjegimi të fjalëve shqip me moderatorin e emisionit, Jimmy Kimmel.

Ky moment ka shkaktuar të qeshura, duke sjellë një atmosferë argëtuese në studion e emisionit.

Këngëtarja shqiptare e njohur, Dua Lipa, ka ndarë disa detaje interesante rreth albumit të saj të ri gjatë një interviste me Jimmy Kimmel.

Megjithatë, kulmi i kësaj interviste ishte momenti kur moderatori propozoi një “lojë artikulimi shqip”, duke përdorur disa fjalë të veçanta të njohura për shqiptarët.

Jimmy Kimmel u përpiqte t’i shqiptonte fjalë si “I ka bërë rrush e kumbulla”, “Sa për sy e faqe”, “E ka një dërrasë mangu” dhe “Hyp se të vrava, zbrit se të vrava”.

Shqiptimi i tij i përpjekur solli bujë në studion e emisionit, duke shkaktuar të qeshura pas çdo përpjekjeje.

Dua Lipa, me karizmin e saj, udhëhoqi moderatorin përmes kuptimit dhe humorit të fshehur pas secilës fjali.