Video ekskluzive nga incidenti në Pejë

Në rrugën “Papa Klementi”, në Pejë, të dielën e 19 qershorit pak para mesnatës, ka ndodhur një incident, ku janë përfshirë pronarët e dy dyqaneve, ku edhe është përdorur një armë zjarri

Pamje nga vendi i ngjarjes

Një zënkë verbale në mes të pronarëve të dy dyqaneve në qytetin e Pejës, ka dërguar deri te përdorimi i armës së zjarrit.

Sipas burimeve të Portali D, palët e përfshira në rast, paraprakisht kishin një mosmarrëveshje.

Njëri nga të përfshirët në këtë zënkë, i cili drejtonte një furgon me ngjyrë të bardhë, ka shkuar deri te dyqani i palës tjetër, ku edhe ka nxjerrë armën e zjarrit, duke e drejtuar në drejtim të disa punonjësve të lokalit.

Ndërsa, në videon e siguruar nga Portali D, shihet se një person tjetër nga ana e shoferit, ka ndërhyrë duke e penguar që të mos veprojë tutje.

Viktima menjëherë pas tentativës, shihet duke nxjerrë telefonin nga xhepi për t’i njoftuar organet e rendit (policinë).

Fadil Gashi, Zëdhënës i Policisë së Pejës, për Portali D, e ka konfirmuar se mbrëmë më datën 19 qershor, rreth orës 23:20, policia kishte pranuar një njoftim për një përleshje, ku pastaj viktima ishte kërcënuar me armë zjarri.

“I dyshuari ka ekspozuar armën drejt viktimës për të kërcënuar”, ka thënë Gashi.

I pyetur se a ka qenë arma e mbushur, ai e ka pohuar këtë duke thënë se  “arma ka qenë e mbushur, por se nuk e di sa plumba kanë qenë në karikator”.

“I dyshuari dhe viktima janë pronarë në Tregun e Pemëve në Pejë. Policia ka dalë në vendin e ngjarjes ku ka arrestuar të dyshuarin, dhe i është konfiskuar arma”.

“Pas konsultimit të Prokurorit të shtetit, është urdhëruar që i dyshuari të dërgohet në mbajtje për 48 orë në ndalim policor”, është shprehur Gashi.

Rasti është cilësuar si “Përdorim i armës apo mjetit të rrezikshëm”.

Sipas policisë, në këtë rast kanë qenë të përfshirë vetëm dy persona.

Shija e redaktorit

Intervistë me Mimoza Hasani-Pllana, flet për poezitë dhe kategoritë e...

“Shtegtimi i shqipes në Evropë”, "Komunikimi ndërkulturor” dhe “Poezia e Kosovës në tri kontekste”, janë disa nga librat e fundit të autores, Mimoza Hasani-Pllana. Talentin...

Qenësia e Zarathustrës së Niçes në shqip nga Taulant Hatia

“Njeriu është diçka që duhet të mposhtet. Njeriu është një litar, i lidhur midis kafshës dhe mbinjeriut - një litar mbi një humnerë. Ajo...

Ndryshimi që erdhi nga protestat e studentëve këmishëbardhë të UP-së

“Liria mund të të mos bëjë të lumtur, por të bën njeri”. Këtë thënie e kujton Driton Lajçi, Nënkryetar i Unionit të Pavarur të Studentëve...

Më të lexuarat

Ymeri: Kurti është një hap para dialogut dhe marrëveshjeve me...

“Kryeministri i Kosovës, Albin Kurti është është një hap para në dakordim të dialogut dhe marrëveshjeve  me Serbinë”. Kështu, ka deklaruar analisti politik, Visar Ymeri,...

Maqedonia nuk i njeh letërnjoftimet serbe të institucioneve paralele

“Kjo nuk ka qenë temë diskutimi fare…” Kjo ishte përgjigjja e ministrit të Punëve të Brendshme, Xhelal Sveçla në pyetjen nëse serbët mund ta kalojnë...

Dhunohet 13-vjeçarja, viktima është 8 muajshe shtatëzënë

“Jam frigu tha prej meje, dëmëthënë prej prindit. Jam frigu me tregu, kom mendu se hajt kurgjo nuk është”. Kështu nis rrëfimi i një ngjarjeje...

Të fundit nga rubrika