(VIDEO) Musliu: Të hënën në veri u pa Aleksandar Bozhoviq, shok i grupit terrorist të Radoiçiqit

Të hënën, autoritetet e Kosovës i kanë mbyllur gjashtë objekte të Bankës Kursimore të Postës dhe Bankës Popullore të Serbisë në katër komunat me shumicë serbe në veri të Kosovës.

Aty kishte të grumbulluar edhe qytetarë serbë, të cilët protestonin kundër mbylljes së këtyre institucioneve.

Drejtori i Institutit Octopus, Agim Musliu, ka thënë se “sikurse dy vjet para sulmit terrorist në Banjskë, në rrugët e veriut të Kosovës, gjatë protestave të së hënës u regjistruan një numër i madh i serbëve të maskuar”.

Në rrjetet sociale Musliu ka shkruar se një nga personat e maskuar që ka marrë pjesë në proteste ishte edhe Aleksandar Bozhoviq, i afërt me strukturat e drejtuara nga Millan Radojçiq.

“Sipas hulumtimit të OSINT nga Instituti Octopus, personi i maskuar është Aleksandar Bozhoviq, shok me një pjesë të strukturave terroriste të drejtuara nga Milan Radoiçiq (kërkohet nga INTERPOL)”, ka shkruar Musliu në  një postim në platformën “X”.

Sipas njoftimit të Policisë së Kosovës thuhet se përpos mbylljes së gjashtë njësive ilegale të “Bankës Postare Kursimore”, u konfiskuan edhe prova të ndryshme materiale përfshirë 75 milionë dinarë (rreth 640 mijë euro).

Kundër këtij aksioni janë shprehur ShBA-të dhe Bashkimi Evropian, të cilët kanë thënë se autoritetet në Kosovë po ndërmarrin veprime të pakoordinuara.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika