Një grup motoçiklistësh nga Serbia dhe rajoni, i njohur si “Bike Rock Mission”, kanë mbërritur në vendkalimin kufitar të Jarinjes nga ana e Serbisë për të festuar Vidovdanin.
Motoçiklistët shpalosën flamurin serb dhe dërguan mesazhe përkrahje për serbët në Kosovë.
Ndërsa, për shkak të situatës dhe tensioneve aktuale, rreth njëqind motoçiklistë, pas 16 vitesh, nuk kanë hyrë në Kosovë për të festuar Vidovdanin, por u mblodhën në afërsi të Jarinjes nga drejtimi i Rashkes, ku dëgjoheshin zhurmat e motorëve, ndërsa është parë një re tymi nga pishtarët, raporton Kosovaonline, përcjellë Dukagjini.com
“Bike Rock Mission”, i cili mbahet që nga viti 2006, mbledh një numër të madh entuziastësh të motoçikletave nga e gjithë Serbia, rajoni dhe jashtë saj.
Çdo vit ata largohen nga Beogradi në mënyrë të organizuar për në Mitrovicën e Veriut.