Një përleshje ka ndodhur mes tifozëve të skuadrës kosovare FC Drita dhe atyre të ekipit danez FC Kopenhagë në mbrëmjen e së martës, në zonën e njohur si “kafet e rakisë” në qendër të Prishtinës.
Sipas zyrtarit për Informim për Kryeqytetin në kuadër të Policisë së Kosovës, Enis Pllana, autoritetet menjëherë pas incidentit dhe kanë ndërhyrë për të qetësuar situatën.
“Sot rreth orës 19:00 ka ndodhë një incident, ku disa tifozë janë përleshur mes vete. Policia ka vënë situatën nën kontrollë dhe janë duke marrë veprimet e nevojshme”, ka njoftuar Pllana.