(VIDEO) Policia nxjerr autoblindën nga fshati Banjskë, dyshohet se ishte e mbushur me armatim
Policia e Kosovës ka nxjerrë autoblindën që dyshohet se është gjetur në malet e fshatit Banjskë të Zveçanit, këtë të martë. RTV Dukagjini ka siguruar pamjet e tërheqjes së autoblindës, brenda së cilës dyshohet se ka pasur lloje të ndryshme të armatimit. Ndryshe, Afrim Bunjaku, rreshter i Policisë së Kosovës, u vra në fshatin Banjskë […]
Policia e Kosovës ka nxjerrë autoblindën që dyshohet se është gjetur në malet e fshatit Banjskë të Zveçanit, këtë të martë.
RTV Dukagjini ka siguruar pamjet e tërheqjes së autoblindës, brenda së cilës dyshohet se ka pasur lloje të ndryshme të armatimit.
Ndryshe, Afrim Bunjaku, rreshter i Policisë së Kosovës, u vra në fshatin Banjskë të komunës së Zveçanit më 24 shtator 2023.
Sipas Policisë së Kosovës, në orët e hershme të 24 shtatorit, dy kamionë pa targa ishin vendosur në urën në hyrje të fshatit Banjskë, duke e bllokuar lëvizjen.
Njësitë policore, ku ishte edhe Afrim Bunjaku, u qëlluan me armë zjarri, pasi arritën në vendin e ngjarjes.
Bunjaku nuk u mbijetoi plagëve të marra.
Incidenti ku u vra ai shënoi fillimin e një përleshjeje të armatosur në mes të Policisë së Kosovës dhe një grupi të armatosur në Zveçan.















