Në Komunën e Dragashit reshjet e mëdha të shiut kanë shkaktuar vërshime në zona të ndryshme të komunës.

Situatë alarmante është në disa fshatra, ku duken dëme materiale nga pamjet e publikuara që qytetarët kanë shpërndarë në rrjetet sociale për të përshkruar gjendjen e rëndë si pasojë e vërshimeve.

Gjendje më alarmante paraqitet në fshatrat Bresanë, Zaplluxhë, Kuk, Kullibeg, Blaç dhe fshatra të tjera të Dragashit, ku uji tashmë ka vërshuar edhe shtëpitë.

Institucionet e sigurisë kanë apeluar për kujdes të shtuar, shkaku i situatës emergjente.