Organizata jo-qeveritare Kolektivi për Mendim dhe Veprim Feminist ka njoftuar se ata kanë qenë që e kanë shpalosur flamurin e Palestinës tek hoteli “Grand” në Prishtinë, ditën e diel.
Dhe kjo u bë e ditur nëpërmjet një postimi në rrjetin Social nga kjo organizatë.
Sipas tyre shpalosja e flamurit të Palestinës është akt solidariteti me popullin palestinez.
“Sot shpalosëm flamurin e Palestinës si akt i solidaritetit me luftën e popullit palestinez për liri. I vendosur krahas flamurit që kërkon çlirimin e Ukrainës, ky flamur denoncon pretendimet për solidarizim selektiv dhe insiston në të drejtën e çdo populli për liri. Ne qëndrojmë të bashkuar/a dhe të vendosur/a të kundërshtojmë dhe luftojmë çdo okupim, kolonizim dhe racializim të popujve”, thuhet në njoftimin e organizatës.
Më tej ata kanë thënë se heqja e këtij flamuri nga Shtetit i Kosovës sipas tyre kjo bëhet në përkrahje të luftës gjenocidale të shtetit të Izraelit ndaj popullit palestinez.
“Megjithatë, flamuri i Palestinës u hoq shumë shpejt pas vendosjes. Këtë akt ne e lexojmë si tentativë heshtuese nga shteti i Kosovës dhe pozicionim shqetësues në përkrahje të luftës gjenocidale të shtetit të Izraelit ndaj popullit palestinez”, thuhet në reagimin e tyre.
Sot shpalosëm flamurin e Palestinës si akt i solidaritetit me luftën e popullit palestinez për liri. I vendosur krahas flamurit që kërkon çlirimin e Ukrainës, ky flamur denoncon pretendimet për solidarizim selektiv e insiston në të drejtën e çdo populli për liri@dylberizm
@SSD pic.twitter.com/g5DAUWNoeb— Kolektivi për Mendim dhe Veprim Feminist (@KMVFeminist) November 12, 2023