Aktivisti i PSD-së, Behar Retkoceri, u ka shkuar në kafe deputetëve të VV-së.

“Marre që e keni pranu Zajednicësn”, “Astrit Dehari ka vdekë n’burg për këtë sen”, ishin disa nga ato çka u tha aktivisti i PSD-së deputetëve të VV-së.

Këtë e ka bërë të ditur i pari i PSD-së, Dardan Molliqaj, i cili ka bërë thirrje të shohim se si Retkoceri po i ballafaqon ata që po “i bëjnë dëm Kosovës”.

“Shikojeni videon se si reagojnë deputetët e VV-së, dhe nuk kanë asnjë fjalë për të thënë, kur aktivisti i PSD-së, Behar Retkoceri, i ballafaqon ata për dëmet që po ia bëjnë Kosovës, me pranimin e Asociacionit”, ka shkruar Molliqaj.

Në kafe shihen shefja e Grupit Parlamentar të VV-së, Mimoza Kusari, deputetët, Mefail Bajqinofci, Arbër Rexhaj, Artan Abrashi dhe disa të tjerë.

Për këtë ka reaguar edhe gazetari, Lirim Mehmetaj, i cili ka thënë se “s’po iu nihet zani profiterave të pushtetit”.

“Po pyeten për shokun e tyre të vdekur në burg. Zani s’po iu nihet profiterave të pushtetit.
Tash janë mirë për vete. Privilegje po, pushtet po, pasuri po, të tjerët të shkojnë në lesh.
Ky hajni, Artan Abrashi, i kish pas vjedhë edhe paratë për derivate pa pasë veturë fare”, ka shkruar Mehmetaj.