Vijojnë protestat kundër regjimit të Vuçiqit, Policia dhe xhandarmëria përdorin dhunë kundër protestuesve në Beograd
Tensionet u rritën ndjeshëm në qendër të Beogradit të martën pas një bastisjeje nga policia në zyrat e Rektoratit të Universitetit të Beogradit. Qytetarë, studentë dhe profesorë u mblodhën para Rektoratit pasi policia hyri në ndërtesë në kuadër të hetimeve për vdekjen e një studenteje të Fakulteti Filozofik i Beogradit, e cila u gjet e […]
Tensionet u rritën ndjeshëm në qendër të Beogradit të martën pas një bastisjeje nga policia në zyrat e Rektoratit të Universitetit të Beogradit.
Qytetarë, studentë dhe profesorë u mblodhën para Rektoratit pasi policia hyri në ndërtesë në kuadër të hetimeve për vdekjen e një studenteje të Fakulteti Filozofik i Beogradit, e cila u gjet e vdekur më 26 mars.
Megjithatë, Policia e Beogradit dhe njësitë e Xhandarmërisë u përplasën ashpër me protestuesit në sheshin “Republika” që tash e shumë kohë protestojnë edhe kundër regjimit të presidentit serb, Aleksandër Vuçiq.
Siç raporton N1, të gjithë policët dhe pjesëtarët e xhandarmërisë mbanin maska në fytyrë.
U raportuan disa incidente ku policia reagoi me dhunë, si në sheshin e “Studentëve”, ashtu edhe në sheshin “Republika”, disa orë para një proteste të thirrur për shkak të bastisjes.
Turma vazhdimisht brohoriste fyerje, përfshirë inicialet e presidentit serb AV, duke imituar lepuj dhe duke i quajtur policinë dhe Xhandarmërinë tradhtarë.
Transmetimet live treguan se si xhandarmët dhe policët sulmonin pjesëtarët e turmës me shkopinj, duke lënduar disa persona dhe duke arrestuar një të ri që u plagos.
Rektori Vladan Djokiq deklaroi se ndërhyrja e policisë nuk kishte të bënte me hetimin, por me frikësim, duke kërkuar një hetim të pavarur për rastin.
Nga ana tjetër, drejtori i policisë Dragan Vasiljeviq tha se veprimi ishte kryer me urdhër të gjykatës dhe se rendi publik u rivendos me “përdorim minimal force”.















