Visoka Weller: Kosova nuk ka bërë sa duhet në evidentimin e krimeve të luftës

Kosova nuk ka bërë sa duhet në evidentimin e krimeve të luftës të kryera nga Serbia dhe mbrojtjen e trashigimisë kulturore. Kështu ka thënë Nora Visoka Weller, avokate në Universitetin e Cambridge në Britani, gjatë një interviste në emisionin “Magazina” në Radio Dukagjini. Ajo ka folur edhe për Vendimin e Gjykatës Kushtetuese për Manastirin e Deçanit dhe çështje të ndjeshme të popullit të Kosovës

Blerina Neziri, Lirik Sylmeta dhe Nora Visoka Weller

Mos evidentimi i krimeve të luftës të kryera nga Serbia në Kosovë, është çështje problematike pasi shumë lehtë e vërteta mund të harrohet dhe pikërisht për këtë Serbia sot luan rolin e viktimës. Kështu ka thënë Nora Visoka Weller, avokate dhe ligjëruese në Selwyn College – Cambridge, gjatë intervistës në emisionin “Magazina” me Lirik Sylmetaj dhe Blerina Neziri – Abazi, në Radio Dukagjini.

“Problemi është se pasluftës në Kosovë nuk është bërë dokumentim i mjaftueshëm i vrasjes së njerëzve dhe shkatërrimit të trashëgimisë kulturore. Nëse nuk ekziston dokumentimi i mirëfilltë, atëherë e vërteta humb, ngadalë, ngadalë me kohë sepse dëshmitarët plaken, vdesin siç ka ndodhur edhe në vendin tonë. Dhe sa më shumë vite që kalojnë, kjo i jep hapësirë Serbisë të luaj rolin e viktimës”.

E pyetur se a po trajtohet në mënyrë adekuate çështja e të pagjeturve në bisedimet Prishtinë – Beograd, të ndërmjetësuara nga Bashkimi Evropian, Visoka-Weller tha se në këtë drejtim nuk është bërë asgjë, pikërisht se kjo çështje është shumë e politizuar.

“Ka qenë në interesin e faktorit ndërkombëtar, ndërmjetësuesit të bisedimeve që negociatat me Serbinë të vazhdojnë me çështje teknike dhe të mos hyjnë në tema të thella që mund të komplikohet zgjidhja e menjëhershme. Fatkeqësisht të gjithë ata njerëz që janë përdhunuar e vrarë në Kosovë, janë thuajse pjesë e një historie të harruar dhe për këtë jemi pëgjegjës vet ne”

Visoka-Weller, eksperte në nivel botëror për trashëgimi kulturore dhe arkeologji të shteteve në konflikt, ka folur edhe për Vendimin e Gjykatës Kushtetuese për Manastirin e Deçanit, për të cilin tha se është shumë lehtë e zgjidhshme. Ajo thotë se nevojitet një dialog i sinqertë dhe sipas saj, hapin e parë për këtë duhet ta bëjë Kisha Ortodokse serbe dhe komuniteti monastik.

Nora Visoka Weller, punuese e disa hulumtimeve shkencore që prekin pikërisht çështje të ndjeshme të popullit të Kosovës, tha se Kosova ka nevojë të edukojë gjenerata të reja të arkeologëve për ruajtjen e trashëgimisë kulturore.

Nora Visoka Weller është avokate në Universitetin e Cambridge. Aty e ka përfunduar Juridikun dhe Arkeologjinë, ku ka specializuar në Mbrojtjen e Trashegimisë Kulturore dhe të Luftës. Ajo është gruaja e parë nga Kosova brenda shoqërisë mbretërore të arteve në Britani.

Më parë, ishte hulumtuese në Qendrën Ndërkombëtare për Drejtësi Tranzicionale, në Afrikën e Jugut. Ajo shërbeu gjithashtu si këshilltare e Kombeve të Bashkuara mbi Kontrollin e Armëve dhe zhvillimin shoqëror në vendet e pas-konfliktit në Shqipëri, Qipro, Lindjen e Mesme dhe disa pjesë të Afrikës Jugore.

Nora mori vlerësime nga Departamenti Amerikan i Shtetit dhe Kombet e Bashkuara për kontributin e saj në parandalimin e konfliktit gjatë luftës në Kosovë. Ajo është nominuar për çmimin prestigjioz “Gruaja më frymëzuese 2017″ nga “Global Women’s Network London”.

Shija e redaktorit

Kosova fiton ndaj Qipros, siguron vendin në Ligën C

Kosova ka shënuar fitore ndaj Qipros me rezultat 5 me 1 në Stadiumin “Fadil Vokrri” në Prishtinë në kuadër të Grupit 2 në Ligën...

A rrezikon Kosova të ngelet pa punëtorë?

Problemi i ikjes së punëtorëve nuk haset vetëm te personeli mjekësor, por shqetësuese është edhe ikja e fuqisë punëtore të profileve të ndryshme në...

Sa gjenerata duhet të kalojnë që të arrihet marrëveshja në...

“Duhet që dy gjenerata të kalojnë, një veç se ka kaluar”. Kështu kishte deklaruar ish i emëruari i Organizatës së Kombeve të Bashkuara(OKB) si Administrator...

Më të lexuarat

Kroaci: 11 të vdekur nga aksidenti i autobusit

Të paktën 11 persona kanë vdekur si pasojë e një aksidenti të rëndë në autostradën A4 Zagreb-Goriçan, mëngjesin e së shtunës. Sipas informacioneve jozyrtare janë...

Babai i Marigona Osmanit: Në qoftë se Marigona do të...

Në Shëngjin kishin qëndruar rreth 3-4 orë, në një bisedë me Dardanin, babait të Marigona Osmanit i ishte dukur si njeri i qetë. Për...

Milan Radojçiq: Jam kthyer në Kosovë dhe ju e dini...

Nënkryetari i Listës Serbe, Milan Radojçiq, ka sfiduar shtetin e Kosovës, duke e postuar një video nga pjesa veriore e Republikës së Kosovës. Radojçiq, ka...

Të fundit nga rubrika