Vizita në Gjykatën Speciale në Hagë, Haxhiu nuk takohet me Thaçin e Veselin

Ministrja e Drejtësisë, Albulena Haxhiu, së bashku me një delegacion të kuvendit të Kosovës, në vizitën e saj në Hagë, janë takuar me të akuzuarit në Gjykatën Speciale, përveç ish-presidentit Hashim Thaçi, dhe ish-kryetarit të kuvendit, Kadri Veseli.

Deputeti i Lëvizjes Vetëvendosje, Adnan Rrustemi, si pjesë e delegacionit, përmes një postimi në Facebook ka bërë të ditur se kjo vizitë ishte institucionale dhe e rëndësishme.

“Së bashku me nënkryetaren e kuvendit, Saranda Bogujevci, ministren e Drejtësisë, Albulena Haxhiu dhe deputetin Erxhan Galushi, dje takuam Hysni Gucatin, Pjetër Shalën dhe Rexhep Selimin, kurse sot, Jakup Krasniqin dhe Nasim Haradinajn”, ka shkruar ai.

Rrustemi ka theksuar se në këto takime janë njoftuar nga afër me kërkesat, trajtimin dhe aspektet e tjera që ndërlidhen me gjykatën.

Arsyet e mostakimit të ministres Haxhiu me Thaçin e Veselin nuk janë bërë ende të ditura.

Pak kohë para nisjes drejt Hagës, Haxhiu kishte deklaruar se ndonëse vullneti i saj qëndron që të takohet me të gjithë ish-luftëtarët e UÇK-së, të cilët po akuzohen në Hagë, ajo nuk është pranuar për takim nga Thaçi e Veseli.

“Hashim Thaçi dhe Kadri Veseli nuk na kanë pranuar, kurse Gjykata nuk na e ka mundësuar takimin me Salih Mustafën”, ishte deklaruar ministrja Haxhiu për RTV Dukagjini.

Ndërkaq, deputetja e PDK-së, Ganimete Musliu, e ka quajtur të pakuptimtë dhe të padrejtë kërkesën e ministres së Drejtësisë, Albulena Haxhiu, për takimin me ish-presidentin Hashim Thaçi, dhe ish-kryetarin e Partisë Demokratike të Kosovës, Kadri Veseli.

“Albulena Haxhiu para se të niset në Hagë do të duhej fillimisht t’i kërkonte publikisht falje Hashim Thaçit dhe Kadri Veselit që i quajti kriminel. Nëse nuk kërkon falje publike kërkesa për t’i takuar liderët e UÇK-së është e pakuptimtë dhe e padrejtë”, ka shkruar Musliu në Facebook.

Kësaj kërkese i është bashkuar edhe deputeti i PDK-së, Mergim Lushtaku, i cili teksa ka kujtuar deklaratat e ministres Haxhiu, ka thënë se e njëjtat fillimisht duhet t’iu kërkojë falje krerëve të UÇK-së.

“Haxhiu dhe Vetëvendosja së pari duhet të kërkojnë falje për atë çfarë kanë thënë për zotin Thaçi dhe Veseli. Mos të harrojmë që Albin Kurti, më herët, thoshte ‘Hashim shko në Hagë’, e tash po bënë gjoja se po do t’i mbrojë”, është shprehur Lushtaku për EO.

Thaçi, Veseli, Krasniqi dhe Selimi të cilët gjenden në Hagë, po akuzohen se, të njëjtit, kanë kryer krime kundër njerëzimit gjatë luftës në Kosovë.

Aktakuza ndaj tyre është konfirmuar më 26 tetor të vitit 2020.

Ata po akuzohen se në mes të marsit të vitit 1998 dhe shtatorit 1999, kishin kryer krime të luftës kundër njerëzimit, duke ndaluar persona civilë në mënyrë të paligjshme, duke i keqtrajtuar, torturuar dhe zhdukur.

Pos tyre, në paraburgim po mbahen edhe Pjetër Shala e Salih Mustafa që së fundmi ka pasur seanca.

Në paraburgim janë edhe Hysni Gucati e Nasim Haradinaj si krerë të Organizatës së Veteranëve të Luftës, nën akuzën për pengim të personave zyrtarë në kryerjen e detyrës zyrtare e frikësim gjatë procedurave penale.

Shija e redaktorit

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Skender Beck, shqiptari nga Amerika na dërgon tinguj të Rock’n...

Shtetet e Bashkuara të Amerikës, vendi ku dolën shumë artistë të mëdhenjë si Bob Dylan, Jim Morrison, Jimi Hendrix, dhe shumë të tjerë, nga...

Më të lexuarat

Babai i Marigona Osmanit: Në qoftë se Marigona do të...

Në Shëngjin kishin qëndruar rreth 3-4 orë, në një bisedë me Dardanin, babait të Marigona Osmanit i ishte dukur si njeri i qetë. Për...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Babai i Marigona Osmanit: Nëna e Krivaqës më thoshte kam...

Muhabi Osmani - babai i të ndjerës, Marigona Osmani, e ka përshkruar këtë të fundit si një vajzë të qetë, të urtë e të...

Të fundit nga rubrika