Sekretari i Shtetit, Antony Blinken, gjatë një konference në ambasadën amerikane në Pekin ka thënë se Shtetet e Bashkuara të Amerikës “nuk e mbështesin pavarësinë e Tajvanit”.
Kështu deklaroi Blinken pas takimit me liderin kinez Xi Jinping gjatë ditës së hënë, duke theksuar se frenimi i ekonomisë së Kinës nuk është një qëllim amerikan.
“Ne nuk e mbështesim pavarësinë e Tajvanit. Ne mbetemi kundër çdo ndryshimi të njëanshëm të status quo-së nga secila palë”, ka thënë Blinken.
Siç, shkruan “Forbes”, Blinken ka bërë të ditur se të gjitha takimet e tij me zyrtarët e lartë në Kinë ishin konstruktive dhe përsëriti se konkurrenca midis Kinës së SHBA-së nuk duhet të “kalojë në konflikt”.
Tajvani e sheh veten si të ndryshëm nga kontinenti kinez, me kushtetutën e vet dhe udhëheqësit e zgjedhur, ndërsa, Pekini e sheh atë si një provincë rebele të Kinës.
Këto deklarime të Blinken vijnë pasi dukej se administrata amerikane në krye me presidentin, Joe Biden ishin larguar nga politika e Uashtingonit “Një Kinë”.