Presidenti i Shqipërisë, Bajram Begaj e ka dekretuar gjatë ditës së hënë Vlora Hysenin në krye të Shërbimit Informativ të Shtetit.
Ishte kryeministri Edi Rama ai që i propozoi presidentit emrin e Vlora Hysenit, pas dorëheqjes të Helidon Bendos.
Vlora Hyseni është ish-zëvendësdrejtoreshë e Agjencisë së Sigurisë së Kosovës (AKI). Hyseni më 1 korrik të vitit 2021 me propozim të kryeministrit Albin Kurti u shkarkua nga posti.
Në këtë post Vlora Hyseni qëndroi për katër muaj. Asnjëherë nuk u bënë publike arsyet e vendimit të kryeministrit Kurti për largimin e saj nga kjo detyrë.
