Raportuesja e Parlamentit Evropian për Kosovën, Viola von Cramon, ka përshëndetur deklaratat e presidentes së Komisionit Evropian, Ursula von der Leyen, në lidhje me raportin Kosovë – Serbi, e cila dje në vizitën e saj në të dyja këto vendet përmendi se “Serbia duhet ta njohë de-facto Kosovën”.
Von Cramon, përmes një postimi në X, ka thënë se nga BE-ja duhet një balancim dhe qartësi për Serbinë në lidhje me sundimin e ligjit në Serbi, lirinë e medias dhe demokracinë.
Sipas saj, duhet të ketë një Serbi demokratike dhe jo vazhdimësi të qetësimit të Vuçiqit.
“Mirëpres qartësinë nga Von der Leyen mbi marrëdhëniet e Serbisë me Kosovën. Megjithatë, do të ishte mirë që e njëjta qartësi të ishte për:mangësitë e Serbisë në sundim të ligjit, lirinë e medias dhe demokracinë. Na duhet Serbi demokratike, e jo të merremi më tutje me qetësimin e Vuçiqit”, ka shkruar Von Cramon.
I welcome the clarity from @vonderleyen on 🇷🇸 relations with 🇽🇰.
Yet, would be good that the same clarity was re: 🇷🇸’s shortcomings in RoL, media freedom and democracy.
Call a spade a spade – we need democratic Serbia, not further appeasement of Vučić.https://t.co/IvVU0m15wG
— Viola von Cramon 🇺🇦🇪🇺 (@ViolavonCramon) November 1, 2023