Von Cramon reagon: Hedhja në erë e digës Nova Kakhovka nga Rusia është një tjetër akt terrorist që rrezikon 100 mijë njerëz

Deputetja e Parlamentit Evropian, Viola von Cramon, ka reaguar për shpërthimin e digës në Nova Kakhovka nga Rusia, duke e konsideruar si një akt terrorist që rrezikon jetën e 100 mijë njerëzve dhe shkakton dëme të pariparueshme në mjedis. Më tej, ajo ka thënë se këto akte terroriste vetëm e forcojnë vendosmërinë e BE-së për të mbështetur më tej Ukrainën

Një imazh satelitor tregon Damn Nova Khakovka në rajonin Kherson. (Al Jazeera)

Deputetja e Parlamentit Evropian, Viola von Cramon, ka reaguar për shpërthimin e digës në Nova Kakhovka në Ukrainë nga ana e agresorit rus.

Von Cramon e ka akuzuar gjithashtu Rusinë për vazhdimin e gjenocidit ndaj ukrainasve dhe ekocidimin e vendit të tyre. Më tej, eurodeputetja e ka cilësuar këtë si një akt tjetër të terrorizmit, që sipas saj vë në rrezik mbi 100 mijë njerëz dhe shkakton dëme të pariparueshme në mjedis.

“Hedhja në erë e digës Nova Kakhovka nga Rusia është një tjetër akt terrorist. Rrezikon 100 mijë njerëz dhe i bën dëm të pariparueshëm mjedisit. Rusia vazhdon Gjenocidin ndaj Ukrainasve dhe Ekocidin e vendit të tyre. Aktet terroriste vetëm sa na bëjnë më të vendosur për të mbështetur më tej Ukrainën”, ka shkruar Viola von Cramon në Twitter.

Von Cramon beson se akte të tilla terroriste vetëm sa e forcojnë vendosmërinë e tyre [BE-së] për të mbështetur më tej Ukrainën.

 

Nova Kakhovka është një qytet në Ukrainën jugore që ndodhet pranë rezervuarit Kakhovka, i cili formohet nga një digë në lumin Dnieper.

“Ekocid” quhet shkatërrimi i mjedisit natyror, veçanërisht kur bëhet me dashje ose pakujdesi.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika