Von Cramon: Të vihet në dyshim liberalizimi i vizave dhe fondet e IPA-s është absolutisht e ndaluar

Von Cramon ka thënë se është absolutisht e ndaluar që të vihet në dyshim liberalizimi i vizave dhe fondet e IPA-s

Raportuesja për Kosovë në Parlamentin Evropian, Viola Von Cramon

Raportuesja për Kosovën në Parlamentin Evropian, Viola von Cramon, ka reaguar pas deklarimit të ish-ministrit të Punëve të Jashtme të Kosovës, Petrit Selimi, i cili ka thënë se të paktën tri shtete anëtare të BE-së po shqyrtojnë kërkesën për pezullimin e fondeve të IPA-s dhe liberalizimit të vizave për qytetarët e Kosovës.

“Informacioni më i fundit nga diskutimet brenda BE-së. Të paktën 3 shtete anëtare të BE-së (nuk do t’i përmendim këtu) po shqyrtojnë kërkesën për pezullimin e fondeve të IPA-s dhe visalib-it për Kosovën. Lëvizje drastike, e papranueshme, nëse shtyhen. Tani kemi nevojë për zgjidhje konkrete të paraqitura nga Kosova”, ka shkruar Selimi në Twitter.

Lidhur me këtë, Von Cramon në një reagim në Twitter ka thënë se është absolutisht e ndaluar që të vihet në dyshim liberalizimi i vizave dhe fondet e IPA-s.

Ajo ka theksuar se duhet një zgjidhje urgjente për situatën politike dhe zhvillimet në veri të Kosovës.

“Këto informacione i dëgjoj për herë të parë. Unë mund të imagjinoj se kush mund të qëndrojë pas kësaj, por të vihet në dyshim VisaLib dhe fondet e IPA-s është absolutisht e ndaluar. Na duhet një zgjidhje urgjente politike për veriun”, shkroi ajo.

Parlamenti Evropian (PE) miratoi vendimin për liberalizimin e vizave për qytetarët e Kosovës – me çka edhe procedurat për këtë çështje i afrohen fundit.

Këtë e ka bërë të ditur drejtori i Institutit EPIK, Demush Shasha.

“Fundi i një epoke. Parlamenti Evropian miratoj përfundimisht liberalizimin e vizave për Kosovën”, ka shkruar Shasha në Facebook.

Miratimi u bë pa votim, pasi nuk kishte asnjë kundërshtim.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika