Kandidati për president i Maqedonisë së Veriut, Bujar Osmani, ka votuar.
Në një deklaratë para medieve, Osmani inkurajoi qytetarët të dalin në numër sa më të madh dhe të votojnë.
“Uroj sot zgjedhje të lira, fer dhe demokratike. Inkurajoj qytetarët të dalin në numër sa më të madh, të votojnë sipas bindjes së tyre, vullnetit të tyre. Të votojnë me qëllim dhe shpresë për një të ardhme më të mirë për vendin tonë”, tha Osmani, njofton Klankosova.tv.
Ai, po ashtu, tha se këto zgjedhje nuk janë të zakonshme, por vendimtare për të ardhmen e Maqedonisë së Veriut.
Sipas tij, këto nuk janë zgjedhje të zakonshme, por vendimtare për të ardhmen e Maqedonisë së Veriut.
“Mendoj që këto zgjedhje nuk janë të zakonshme, por janë vendimtare për të ardhmen e vendit tonë, për shkak se shteti është në udhëkryq. Dy opsione janë para nesh dhe qytetarët duhet të vendosin për integrim apo izolim”, tha Osmani.
Kujtojmë se nga shtatë kandidatë për president, dy prej tyre janë shqiptarë, Bujar Osmani, nga Fronti Evropian dhe Arben Taravari nga koalicioni VLEN.