Vrasja e 35 vjeçares, KGjK-ja e KPK-ja bojkotojnë takimin e MD-së
Inatet për uljen e pagës Këshilli Gjyqësor e Këshilli Prokurorial i Kosovës nuk i tejkaluan as për takimet për vrasjen e gruas shtatzënë brenda hapësirave të QKUK-së. Në takimin e grupit ndërministror që u mbajt në Ministrinë e Drejtësisë, e u diskutua për veprimin e institucioneve përgjegjëse në këtë rast, munguan përfaqësuesit e dy institucioneve […]
Inatet për uljen e pagës Këshilli Gjyqësor e Këshilli Prokurorial i Kosovës nuk i tejkaluan as për takimet për vrasjen e gruas shtatzënë brenda hapësirave të QKUK-së.
Në takimin e grupit ndërministror që u mbajt në Ministrinë e Drejtësisë, e u diskutua për veprimin e institucioneve përgjegjëse në këtë rast, munguan përfaqësuesit e dy institucioneve kryesore të sistemit të drejtësisë.
RTV Dukagjini nuk ka marr përgjigje gjatë ditës, në lidhje me mungesën e KGJK-së e KPK-së në takim, por javën e kaluar ata vendosën ta bojkotojnë punën dhe takimet qeveritare pas vendimit për ulje të pagave.
“Nuk kam koment për veprimet e tyre”, ka thënë Albulena Haxhi, ministre e Drejtësisë.
Haxhiu, një pjesë të përgjegjësisë për këtë vrasje e ka hedhur edhe tek këto institucione të drejtësisë, duke thënë se po të kishte veprime të duhura dhe me kohë nga Prokuroria, ky rast mund të parandalohej.

“Në momentin që do të verifikohet dështimi institucional, do të ketë dorëheqje dhe shkarkim….”, ka shtuar Haxhiu.
Në këtë takim të pranishëm ishin zyrtarë nga Zyra e Kryeministrit, MPB-ja, e nga qendrat për punë sociale, ndërkohë që ministrja tha se kanë informacione të tjera që lidhen me rastin, por nuk mund t’i bëjnë publike shkaku i hetimeve.
35 vjeçarja e cila u vra pasditen e së martës, para Klinikës së Gjinekologjisë, kishte urdhër mbrojtje nga Prokuroria, për shkak se kishte raportuar bashkëshortin e saj për dhunë muaj më parë.















