Në Gjykatën Themelore në Prishtinë do të mbahet sot, me fillim në ora 09:30, një seancë e re gjyqësore ndaj tre të akuzuarve Naim Murseli, Kushtrim Kokalla dhe Granit Plava, të cilët ngarkohen për vrasjen e Liridona Ademajt, e cila ndodhi më 29 nëntor 2023.
Kujtojmë se në seancën e fundit që u mbajt më 29 janar, Murseli para trupit gjykues ka deklaruar se nuk ka paguar, porositur apo ndihmuar Granit Plavën për vrasjen e bashkëshortes së tij, Liridona Ademajt, duke insistuar se në momentin kritik ka qenë rreth 20 deri në 30 metra larg veturës.
Mes tjerash, ai deklaroi se në natën kritike nuk e ka parë Granit Plavën në restaurant, dhe në momentin kur është vrarë Liridona, Murseli tha se as ai as fëmijët nuk ishin në veturë.