Një ngjarje e rëndë ka ndodhur mbrëmjen e së hënës në lagjen Hajvali të Prishtinës, ku një person ka mbetur i vrarë nga të shtënat me armë zjarri.
Zëdhënësja e Policisë së Kosovës për rajonin e Prishtinës, Flora Ahmeti, tha se viktima është dërguar në Qendrën Klinike Universitare të Kosovës (QKUK) pa shenja jete, ku vdekja e tij është konstatuar nga ekipi mjekësor.
“Sot rreth orës 22:00, është raportuar për gjuajtje me armë zjarri, në Hajvali, ku është vrarë një person. Vdekja e viktimës mashkull është konstatuar nga ekipi mjekësor në QKUK. Policia ka nisë një hetim për zbardhjen e rastit, ndërkohë që është në kërkim të personit të dyshuar i cili tashmë është identifikuar”, ka njoftuar Ahmeti.